Fajer Alsaeed Instagram – لمحت البارح في بعض التعليقات اعتراض شديد من بعض #العراقيين اننا احتفلنا بضيوفنا العراقيين القادمين للكويت لحضور دورة الخليج 26 في الكويت بأغنيه بعثيه !!! #منصورة_يابغداد غنوها في زمن البعث ولكن ماعلاقة كلامها في #حزب_البعث قبلها بيوم غنينا #هلا_بيك_هلا وكذلك هذي الأغنيه غناها #سعدون_جابر في زمن #حزب_البعث ولم يعترضوا …. !!!
علماً باننا ككويتيين نكره البعث اكثر منكم ولكن لانكره #بغداد ولا العراقيين هذولا جيرانا بينا وبينهم عشره وجيره ومصاهره وهذا خال وهذا ولد عم اهل واخوان … ولكن …تدرون ليش #الذيول و #الاذناب اعترضوا على هذي الاغنيه بالذات ؟!!
لان هذي الاغنيه تمجد #بغداد وهم لايريدون لبغداد لا المجد ولا النصره … ماذا يضايقك عزيزي #العراقي من اي حزب او انتماء فقط كونك عراقي تحمل الجنسيه العراقيه عندما يغني جارك او أخوك #منصوره_يا_بغداد … وتظلي دايما دوم منصوره يابغداد …. فقط انها غُنيب في زمن البعث هل نلغي التراث الغنائي العراقي الجميل فقط لانه غنوه مطربيه في زمن البعث حرام عليكم هذي فنونكم وتراثكم وما البعث الا حزب زال وغيره الى زوال … ولن تبقى الا العراق شامخه برجالها المحبين …
من قلبي المحب لهذا البلد ادعي واقول يعل بغداد دووووووم منصوره وشعبها منصور ويرزقهم القادر على كل شي نعمة الأمن والأمان ويتمتعون بخيرات بلادهم التي تحمل من الخيرات والنعم مايجعل المواطن العراقي الاعلى دخل في العالم ولكن للاسف سوء الإداره وفوضى الميليشيات المسلحه جعلت الدينار العراقي بخيشة دولارات … اتقوا الله في وطنكم فنحن مهما حبينا بلدكم لن نحب #العراق كحب #العراقي لوطنه ودرددوا معي منصووووووره يابغداد منصووووووره يابغداد .. سمعوا كلام الاغنيه انا باعدتنا حدود وحدتنا وحده دم منصوره يابغداد منصوره يابغداد 🇮🇶 #فجر_السعيد | Posted on 25/Dec/2024 17:38:07
Fajer Alsaeed
Check out the latest gallery of Fajer Alsaeed
