Assala Nasri Instagram – بقدم لكم عملي هذا( ثمّ أنا )…
روحي ووقتي وشغفي حطيتهم كلهم فيه ..
قلبي وصوتي وإصراري كلهم موجودين فيه..
قبل ماتحبّوه أنا تعلّقت فيه كأغلى جوهره بهالكون .. عدا عن حبّي واحترامي وإجلالي للفن والموسيقى أنا أعشق الإخلاص وقد أخلصت بكلّ ماأوتيت من قوّه ..
تخيّلت أحبّتي عم يسمعوا ويفرق سمعهم لهالأغاني بحياتهم ونستمتع سوى بمفعول السحر الموسيقي لتحيي مشاعرنا من جديد وترجعنا قوّه محبّه وأمل ونسافر برحله على الطرف الآخر من الحياة أجمل وأهدأ وأحنّ ..
سافرت بألبومي هاد بلاد كتيره وذكريات حلوه كتير عشتها وأنا عم أصنعه ملحنين كبار كتير تمنيت أشتغل معهم شعراء كبار موزّعين مهمّين هنن أهلي ونحنا أسره كل واحد فينا بيقدّم محبته وإخلاصه لهالوطن الحنون الغالي ( الفنّ) بكلّ ماعنده وأحلى ماعنده ..
تخيّلتكم مبسوطين مرتاحين رايقين وعن كلّ هالدنيي فاصلين وقاعدين عم تسمعوا صولا و نأسس سوى أحلى الذكريات بدعي تكون أيامنا حلوه تشبه قلوبكم الحلوه كل شي بتمناه إني أسعدكم وردّ بعض جمايلكم ودائماً أقدر قدم لكم الحلو اللي يفرحكم وهاأنا ذا بروحي وقلبي وصوتي بين إيديكم بعمل كلّلي أنا فيه
#أصالة
#روتانا | Posted on 03/Jul/2024 02:24:54
