Xenia Chong

Xenia Chong Instagram – 🖤🖤🖤
記得起初導演搵我嘅時候
我係演路家女鬼問米嫂
佢話做鬼要企到18集先到你發揮㗎
我話好呀我唔介意做鬼呀
心諗其實做人都做到攰想做鬼好耐啦
收到成個故事我就追小說咁追咗晚
參與圍讀造型之後
導演有日打俾我不如你唔好做女鬼
不如試吓做反派角色陳丹心
我又覺得正呀
自己做好人做咗咁耐做奸角幾好丫
反正奸角同女鬼我都未試過好想試
導演係好細心好為人著想
一直解釋我聽兩個角色會面臨嘅風險
可能我啲血太熱同中二病又太鍾意個劇本
陳丹心係創辦研經院NGO機構嘅院長
但表面慈善愛護學員待人接物
同萬無極合作將其變成玄門正宗研經院
掌管全城最大嘅修靈樂園lucky Land
一人之下 萬人之上目中只得萬無極
而佢本人係咒術師懂符咒能操控鬼魂
連天狗都需要佢嘅能力
18年前百鬼夜行前一晚
因為萬無極嘅一個誓言
決心跟隨被天狗奪舍嘅萬無極
一直默默地想辦法找回真正萬無極靈魂
18年後第二次百鬼夜行終於如願
再次感謝導演搵我做陳丹心
咁大膽去信任一個冇咩演戲經驗嘅我
希望做到佢心目中嘅陳如娘
多謝你啊導演 @phuckmoreman 🙏🏻
記得第一場對住兩大老師朱謙同Rosa
一場簡單嘅自我介紹戲緊張到係咁NG
多謝你哋嘅耐心同包容🙏🏻
跟住朱謙老師做戲真係冇得輸㗎
多謝你啊朱謙老師 @chupakhim ❤️
另外就係近江老師我哋一直做
佢一直會分析同分享我個角色如果係佢會點做
大家先會見到陳姑娘同近江嘅火花
正能在你心嘅手勢就係近江老師設計🫶🏻
最後要多謝全劇嘅演員同幕後所有人
因為大家嘅努力同熱血同埋愛成就咗
#弊傢伙我要去祓魔 #正能在你心
#陳丹心 #陳姑娘 #莊韻澄 | Posted on 09/Mar/2025 12:43:05