Batoul Arafa Instagram – أنا بجد من إمبارح بحاول أكتب البوست دا و مش عارفة من كتر الأحاسيس اللى جواية اللى صعب أوصفها
حضرت أمس عرض ” كلو مسموح ” لصديقتى الغالية الفنانة الإستثنائية جداً كارول سماحة
جرعة فنية مكثفة مليئة بالإبداع التمثيلي و الموسيقى و الإستعراضى ، مجهود جبار من كارول و كل صناع العمل كان نتيجته إستمتاع كبير للمشاهد
بس الحقيقة الموضوع ماخلصش هنا
كنت فاكرة إن أصعب إحساس ممكن أعيشه معاكى إن لما شاء القدر إنى أكون معاكى فى أول لقاء جمعك بالمحترم وليد مصطفى فى 2007 حتى أخر لقاء الذى لم أتمناه أبداً أثناء لحظة الوداع
بس إمبارح شفت فيكى نسخة جديدة لم أراها من قبل علمتنى حاجات كتير من غير ما تقصد
شفت نجمة حضورها واكل المسرح بمنتهى الشغف و الحب و المسئولية ، بداخلها إمراءة بتهرب إنها تنظر فى عيون الناس و من أى لحظة تقدير لها لدرجة أنها قطعت تصفيق الجمهور لها لحظة دخولها علشان ماتنهرش و تقدر تكمل
شفت كواليس مليانة حب و طاقة و إحترافية و لكن فيها صمت و هدوء و حزن دون كلام أو مبالغة
شفت فى جمهور لبنان إنسانية و تقدير لم أراه من قبل، بدون أى مبالغة الجمهور كان فى عيونه حب و تقدير أقسم بالله كأن كل شخص منهم من عائلة كارول
أنا حرفياً ماكنتش عارفة اقولك مبروك ولا أخدك فى حضنى و أقولك الله يقويكى
علمتينى يعنى ايه إنسان مسئول يعمل فى صمت و يحزن فى صمت
ماعرفتش أنام امبارح غير لما بعت لك رسالة قلت لك ” بحبك ” و دا كان اختصار كبير لكل اللى كنت عايزة اقولهولك
انتى فعلاً استثنائية مش بس فى فنك ولكن ايضاً فى إنسانيتك
بحبك يا كوكو ، و مبروك يا روحى عرض ولا أروع يا ملكة المسرح ❤️
@carolesamaha @mario.osta
#كلو_مسموح #كارول_سماحة #بتول_عرفة | Posted on 18/May/2025 22:21:02
