Mean Sonyta Instagram – #ភស្តុតាងស្បៃពានាខ្មែរនៅលើចម្លាក់សម័យលង្វែក
តាមរយៈសិលាចារឹកលេខ K.296 និង K.297 បានបង្ហាញយ៉ាងច្បាស់ថា នៅក្នុងកំឡុងឆ្នាំ១៥៤៦ ព្រះបាទសម្តេចព្រះរាជឱង្ការ ព្រះចន្ទរាជា ព្រះមហាក្សត្រនៃក្រុងលង្វែក ព្រះអង្គបានត្រាស់បង្គាប់អោយ មហីធរ និងក្រុមរាជសិល្បៈ អោយមកឆ្លាក់បង្ហើយចម្លាក់ពីរផ្ទាំងនៅរោងទងជាន់ទីមួយនៃប្រាសាទអង្គវត្តអោយរួចរាល់។ នៅរោងទងខាងជើង នេះហើយជាទីតាំងដែលយើងប្រទះឃើញចម្លាក់ស្ត្រីនាសម័យលង្វែក ត្បិតសាច់រឿងទាំងមូលជារឿងចម្បាំងរាំងជល់ ប៉ុន្តែនៅផ្នែកចុងក្រោយនៃសាច់រឿងបានបង្ហាញអោយយើងឃើញក្រុមស្ត្រីជាបាទបរិចារិកា អមព្រះឥសូរជាម្ចាស់។ តាមរយៈចម្លាក់ទាំងនេះយើងសង្កេតឃើញថា :
១. ស្ត្រីសម័យលង្វែកនៅរក្សាវប្បធម៌បួងសក់ដោយស្នៀតផ្កា ដូចស្ត្រីសម័យអង្គរដែរ
២.នៅមានការប្រើប្រាស់គ្រឿងអលង្កា កងដៃ កងជើង ក្រវិល សុរង្គក ដូចបុរាណដែរ
៣. ស្ត្រីសម័យលង្វែកស្លៀកសំពត់សម្លុយ វែងដល់ភ្នែកគោល
៤.ស្ត្រីសម័យលង្វែក ពានាស្បៃ ដែលជាស្បៃមានទំហំធំ ហើយវែង ស្របតាមពង្សាវតារខ្មែរ ឯកសារមហាបុរស ដែលបរិយាយពី ប្រកាសរបស់ព្រះបាទចន្ទរាជា អោយប្រើប្រាស់ស្បៃវែង៨ហត្ថ
៥. ការពានាស្បៃវែងរបស់ស្ត្រីសម័យលង្វែក ស្របតាមឯកសារគំនូររបស់អេស្ប៉ាញ ដែលគូរគំនូររបស់ស្ត្រីខ្មែរនៅចុងសតវត្សទី១៦ ឬ នៅចុងសម័យលង្វែក
៦. ស្បៃសម័យលង្វែកមានប៉ាក់ក្រឡា មានខ័ណ្ឌជរខ័ណ្ឌជាយ ជាក្បាច់ឬជាល្បែងនៅលើតួស្បៃ ស្របដូចដែលប្រទះតាមឯកសារ អក្សរសិល្ប៍នានានៅសម័យក្រោយលង្វែកពោលគឺសម័យឧត្តុង្គ ដែលបរិយាយពីការប្រើប្រាស់ស្បៃមាន ប៉ាក់ មានខ័ណ្ឌជរ
៧. ភស្តុតាងលក្ខណៈស្បៃ សម័យលង្វែកជាភស្តុតាងចំណាស់ជាងគេក្នុងតំបន់នេះ ដែលបង្ហាញថា ពានាស្បៃធំ ឬ ធ្វើអោយស្បៃឬពានាបុរាណមានទំហំ ក្លាយជាផ្នែកមួយនៃសម្លៀកបំពាក់មុនគេបំផុត ពោលគឺមុន សៀម និង លាវ ដែលពានាស្បៃដូចគ្នា
៨. មិនប្រទះឃើញភស្តុតាង ចម្លាក់ គំនូរ ដែលនៅរវាងសម័យលង្វែកនេះឡើយចំពោះប្រទេសជិតខាង ថាបានប្រើប្រាស់ស្បៃពានាធំ ការប្រទះឃើញភស្តុតាងថា ប្រើប្រាស់ស្បៃ របស់ស្ត្រីសៀមឃើញមានក្នុងកំណត់ត្រា អេស្ប៉ាញ ចុងសតវត្សទី១៦ តែមានលក្ខណៈជាស្បៃដណ្តប់ ។ ត្រូវរង់ចាំរហូតដល់ ចុងសតវត្សទី១៧ ពេលដែលទូតបារាំងសេស មកដល់ក្រុងអយុធ្យា ទើបប្រទះឃើញថា មានស្ត្រីសៀមប្រើស្បៃ តែប្រើប្រាស់ស្បៃក្នុងសណ្ឋានតូចដូចកន្សែងស្បៃ មិនប្រទះថា ប្រើប្រាស់ក្នុងសណ្ឋានធំឡើយ ។
Credit: បុរាណាចារ្យ 🇰🇭
#sbaikhmer #khmer #cambodia #meansonyta | Posted on 11/Jul/2025 19:10:35
