Rana El Hariri

Rana El Hariri Instagram – كلشي عم نعيشه من حروب، مصائب، أزمات اقتصادية.
كلشي عم ناكله من مواد غذائية معدّلة بالهرمونات ومختلف المواد المسرطنة يلي عم تدمر صحتنا.
حتى أفكارنا عم يتم التلاعب فيها والتأثير علينا من خلال الميديا، القنوات الأخبارية، منصات التواصل الاجتماعي، الأفلام، والمسلسلات.
عم يحولونا لعبيد للسِّلَع، مهووسين بالمشتريات.
و يعودونا نقبل المرفوض بقيمنا، ويشوهوا مفاهيمنا عن الحياة، الجمال، والسعادة، عم يشوهوا حتى مشاعرنا ويغرسوا فينا الأنانية وتفضيل الذات.
كل هالتلاعب بحياتنا، مصائرنا و وجودنا، لحتى بعض سكان هذا الكوكب الجشعين، يكدسوا أموال و يزيدوا ثراء على حسابنا.
نحنا أكيد ما منقدر نتحكم بكل الأحداث الكبيرة وبأغلب الظروف المحيطة فينا.
بس الشي يلي منقدر نتحكم فيه هو أنفسنا، أفكارنا وخياراتنا، منقدر نحاول نمنع هاد العالم المادي يغيرنا ويزيف كلشي حقيقي فينا ويلغي أهم ما فينا، إنسانيتنا. | Posted on 18/Nov/2023 20:40:52