Haala Shiha Instagram – افتكرت موقف و أنا صغيرة جدا كنت في العربية علي الطريق وواحد نازل ضرب في الحصان و الحصان بيصرخ ، قلت لوالدي وقف العربية دلوقتي و دموعي نزلت في ساعتها وفعلا و قفنا العربية و نزلت كان راجل كبير ماسك خراظانة و عمال يضرب الحصان و أنا طبعا كنت صغيرة جدا بس حريت عنده و قلتله حرام عليك سيبه ربنا حيأذيك زي ما انت بتعذبه ، و مرضيتش امشي غير لما وقف وقال حقك عليا و أنا فاكرة كل الموقف و فاكره اني قلتله لا حقه هو عليك حرام كدة ربنا مش حيسامحك سيبه في حاله و عيطت و بابي نزل و أتكلم معاه و فضلت مش عايزة امشي لغاية لما اتأكدت انه مش حيضربه تاني
للأسف في مصر المشهد ده متكرر و كتير حوالينا مع الحمير كمان بيحملوهم فوق طاقتهم ، و مفيش إنسانية و لا رفق أبدا
ياريت يصدر قانون يجرم اللي بيحصل و يخلي الناس دي تدفع غرامات
و يبقي في شروط للي عايز يشتغل علي حصان او حمار ..
الفيديو ده فرحني بجد جدا و حسيت ان الدنيا فيها ناس كويسين و لسة في خير . الإنسان اللي معندوش في قلبه رحمة ده إنسان ميت القلب 💔او قلبه مريض متجبر علي خلق الله و ده إنسان اكيد عليه غضب من ربنا و اللي يشوف موقف زي ده و ميتحركش و يعدي بردو
و يقول مليش دعوة يعرف انه غلط و لازم يحاول يعمل حاجة علشان الناس دي تبطل …
@hatemsettinofficial | Posted on 29/Mar/2025 01:21:14
