Pranika Dhakshu Instagram – அம்மாச்சி வீடு – மகிழகம் 🌸🧿
உன் பெயரால் தான் அழைக்கப்படுகிறது
ஊருக்குள் உன் வீடு
அப்படியே ஆகட்டும் என் வீடும் ..!!!
அம்மாச்சி வீடு இனிது , ஏனெனில்
வந்த கதை போன கதை பேசிப் பேசி வாய்
வலிக்கத் தொடங்கும் முன்னே வயிற்றுப் பசியை
அறிந்து கொள்ள என் அம்மாச்சி வீடு இருக்கிறது
மகிழகமாய் !!!🌸
சரி , எல்லாருக்கும் காபி தானே !!
என்று சிறப்பான காபி ஒன்றைத் தர
என் அம்மாச்சி (வீடு) காத்திருக்கிறாள் உங்களுக்காக
எங்கள் மகிழகத்தில்… !!! 🌸
மணல் வீடு கட்டி விளையாடுகையில் சொந்த வீடு
கட்டுதலின் அருமையும் பெருமையும் சொல்லி
கனவை நனவாக்கிய
என் அம்மாச்சி இருக்கிறாள் மகிழகத்தில் ..!!! 🌸
எப்போதும் யாரையும் வெறும் கைகளோடு
அனுப்பியே பழக்கமில்லாத அவள் , இம்முறை
மனம் நிறைந்த அன்போடு காத்திருக்கிறாள்
என் அம்மாச்சி உங்கள் வரவை எண்ணி மகிழகத்தில் ..!!! 🌸
கதவைத் திறந்து உள்ளே வரும் காற்றைப் போல
விருந்தினர்களின் வருகை எண்ணி
வாயிற்படியிலேயே காத்திருக்கின்றனர்
அன்னம் உண்ட காக்கைகளும் ,
அன்னமிட்ட அம்மாச்சியும் ..
நாங்களும் அவர்களோடு ……..!! 🌸
என் அம்மாச்சியின் தோழமையின் நிழலில்
இளைப்பாறக் காத்திருக்கிறோம்
மகிழகத்தில் ..!!! 🌸
– மகிழ்மதி ரத்னாசலம் ✍️
Thank u so much for this beautiful invitation card
@iniiyavai 🫶🏻🙏🧿
#invitationcard #housewarming | Posted on 08/Sep/2025 18:31:26
