Hemalatha M Instagram – நேற்று நடந்த “ கல்வியில் சிறந்த தமிழ்நாடு “ நிகழ்ச்சி அத்தனை நெகிழ்ச்சியாக இருந்துச்சு. மேடையில் பேசின ஒவ்வொரு அரசுப்பள்ளி மாணவர்களோட வலியும், வைராக்கியமும், அவங்க படிச்ச கல்வி , இப்ப அவங்களுக்கு குடுத்திருக்கிற உயரம் தான் அவங்க வாழ்க்கையோட உண்மையான வெற்றி.
முதலாவது,
மேடையில பேசின பல மாணவர்களும் ஒரு விஷயத்தை மறக்காம சொன்னாங்க.
“ உனக்கு இருக்கிற நிலைமைக்கு ஏன் புள்ளய படிக்க வைக்கிறனு எல்லாரும் எங்க அப்பா , அம்மா கிட்ட சொன்னாங்க. ஆனா எங்க அப்பா , அம்மா படிக்கலனாலும் என்ன படிக்க வச்சாங்க, அரசு எங்களுக்கு பல உதவிகள் பண்ணுச்சு , அதனால இன்னைக்கு நாங்க ஜெயிச்சு நிக்குறோம்னு “ சொன்னாங்க.
இங்க Facebook, Instagram இல உங்காந்துட்டு படிப்பு என்ன கொடுக்கும், பொண்ணுங்க படிச்சா வேலைக்கு போகனுமா என்ன, சச்சின் ஏஆர் ரகுமான் லாம் படிச்சாங்களா னு நக்கல் பண்ற கூட்டம் உங்கள சுத்தி நிறைய இருக்கலாம். ஆனா அதை நம்பி காலா காலத்துல படிக்காம விட்டா இழப்பு உங்களுக்கு மட்டும் தான்
இரண்டாவது,
அரசுப்பள்ளி மாணவர்களோட வைராக்கியம்❤️
வாழ்க்கையில நீங்க அவமானப்படும் போதும், நம்மகிட்ட காசு இல்ல, நல்ல வீடு இல்ல , அதனால உங்களால என்ன பண்ணிற முடியும்னு இந்த சமுதாயம் கேக்கும் போது, வர்ற வைராக்கியம் இருக்குல, அது தான் நம்மள ஜெயிக்க வைக்கும்.
நான் முதல்வன் திட்டத்தில் பயிற்சி பெற்று வேலை கிடைச்சு, “கூரை ஒழுகாம நல்ல வீடு கட்டி, நான் இனி உங்கள பாத்துப்பேன் அப்பானு “ தன் முதல் மாச சம்பளத்தை மேடையில கொடுத்த பிரேமா
“நீங்க என்ன வேணும்னாலும் என்ன பத்தியும் என் அப்பா, அம்மா வ பேசலாம், ஆனா படிக்கிற ஒரு போதும் நிப்பாட்ட மாட்டேன், நான் அவங்களுக்கு தேவையானதை செய்வேனு “ புதுமைப்பெண்” திட்டம் மூலமா வந்த 1000 ரூபாய் ல மாசம் 100 ரூபாய் சேமிச்சு Hearing Aid வாங்கிக் கொடுத்த ரம்யா
என வைராக்கியத்தில் ஜொலிக்கிறார்கள் அரசுப்பள்ளி மாணவர்கள்.
ஒரு அரசுப்பள்ளி மாணவியா சொல்றேன்,
“ நம்ம கிட்ட எதுவுமே இல்லனாலும் கல்வி மட்டும் தான் நாம நினைச்ச எல்லா விஷயத்தையும் நமக்கு குடுக்கும். எனக்கு அப்படிதான் நடந்துச்சு. இன்னைக்கு நான் இருக்கிற நல்ல நிலைமைக்கு முழு காரணம் கல்வி மட்டும் தான். அதனால அரசு குடுக்கிற எல்லா உதவிகளையும் வச்சு படிச்சு மேல வந்துடுங்க. கல்விய மட்டும் எதுக்காகவும் விட்றாதிங்க”
கல்விதான் நம்மளோட முதன்மை அடையாளம்🔥
#hemarakesh #inspiration #education | Posted on 26/Sep/2025 10:29:38
