Jessica Hsuan Instagram – 颱風之後，我接咗個「暫託失敗」嘅任務，仲升級做咗奴才😆
華加沙來襲前 ，喺Threads見到好多香港人幫手暫託shelter嘅毛孩，當刻感覺都應該要出一分力。打咗兩個唔同shelter嘅電話問，知道後生、冇病冇痛嘅狗狗，都已經俾人暫託晒。剩低喺度等緊人幫手嘅，全部都係老狗，或者係有病、有啲特別需要照顧嘅狗狗。
同姐姐商量過後，我哋兩個都覺得，既然我哋都有照顧老狗同病狗嘅經驗（姐姐仲係照顧病狗嘅能手！），不如就接呢啲最需要幫助嘅小朋友啦。就係咁，我哋就決定咗暫託細佬。
後來接左佢之後同shelter了解多啲，先知細佬原來舊年因為前主人要移民，所以被送咗入嚟。聽到呢度，個心真係「噏」一下，即刻同姐姐講：「唔得啦，我唔捨得送返佢返去shelter喇。」我只係想佢喺最後呢段日子，可以食得飽、瞓得好、過得開心。就係咁，我正式宣佈：我今次「暫託」任務，失敗喇！ 我要陪佢到尾。
細佬嘅日常，就係食、瞓、poopoo。
細佬已經14歲，每日大部分時間都好安靜咁瞓覺，係一隻好乖嘅老寶寶。佢食飯好開心，胃口仲好好，便便都好靚，身體底子原來唔錯。為咗安心，我第一時間帶佢去獸醫做body check。報告出嚟，總算放心晒，身體大致正常，只係眼睛同耳朵有少少發炎，即刻開始幫佢滴藥處理。至於體能呢，佢就有一般熟齡狗嘅問題，後腳有啲冇力，行路慢吞吞——不過，一見到食物或者零食，對腳即刻充滿力量，行快兩步都得！ 真係現實到不得了，笑死我。
既然身體冇大礙，我哋就開始幫佢從飲食入手，養好佢個老身體。目標好明確：唔好俾佢過重，同埋要提升活力同免疫力（同我哋人老咗要保養一樣㗎嘛！）。我揀咗Royal Canin 嘅熟齡犬系列狗糧俾佢。
點解揀Royal Canin呢？因為佢呢款糧係專為年長狗狗設計，針對老年期常見嘅健康需要，配方科學、營養均衡，幫助狗狗延緩衰老、保持活力。
1️⃣維持活力與免疫力 – 配方入面含有 EPA、DHA同抗氧化維他命 C、E，有助減低體內慢性炎症、提升免疫系統功能，等年長狗狗冇咁易病，精神都好啲。Omega-3 好野嚟㗎！仲可以改善細佬嘅皮膚狀況，減少乾燥痕癢，令佢地啲毛髮保持強韌有光澤。
2️⃣關節同肌肉保健 – 對年紀大嘅狗狗嚟講，關節問題好常見。Royal Canin 配方加入咗適量礦物質同關節營養素，幫助保持骨骼健康，同時有優質蛋白質，幫助維持肌肉量，等佢哋行得輕鬆啲、活動力高啲，見到零食跑得再快啲🤣。
3️⃣控制體重同時促進消化健康 – 年長狗狗會郁少好多，如果攝取太多熱量好容易變肥，雖然好可愛，但係會加重關節負擔。呢款糧控制咗熱量，食咗都Keep到Fit。而且用咗高消化率蛋白質，加埋均衡膳食纖維，幫助消化系統運作正常，減少軟便或腸胃不適，對好似細佬咁嘅大狗特別有幫助㗎。
而家嘅細佬，就係一位退休老爺。
佢每日主要任務就係瞓覺、等食、散步同便便。佢性格比較「狗本位」，鍾意同狗玩多過同人玩，所以我同姐姐都好有自知之明——我哋喺佢心目中，大概就係兩個負責開罐頭、清便便嘅「高級奴才」。😂
不過，真係冇所謂㗎。佢愛唔愛我，其實一啲都唔重要。我最想見到嘅，係佢每日瞓得安樂、食得滋味、便得暢順。只要佢過得開心，我就會跟住開心。 能夠陪住一個曾經被放棄嘅老靈魂，安安穩穩咁過日子，已經係我收到最好嘅禮物。❤️
希望細佬嘅故事，可以令更多人考慮幫助一啲年紀大、或者有特別需要嘅動物。佢哋嘅愛，一樣好純粹，好溫暖。
#RoyalCaninHK #獸醫推薦品牌 #熟齡系列 #一世寵幸世一健康 #全方位守護熟齡所需
@royalcaninhk | Posted on 22/Dec/2025 09:29:41
