Kannika Snekan Instagram – Imathabacus 8th district level abacus competition prize distribution Part : 1
விழாவிற்கு சிறப்பு விருந்தினராக கலந்து கொண்ட கவிஞர் சினேகன் மற்றும் அவரது மனைவி கன்னிகா சினேகன் ஆகியோர் நிகழ்ச்சியில் கலந்து கண்டு குத்துவிளக்கேற்றி துவக்கி வைத்தனர்.
தொடர்ந்து வெற்றி பெற்ற மாணவ மாணவிகளில் முதற்கட்டமாக 650 மாணவ மாணவிகளுக்கு சான்றிதழ்களையும் கோப்பைகளையும் வழங்கி கவிஞர் சினேகன் மற்றும் அவரது மனைவி கன்னிகா சினேகன் ஆகியோர் வாழ்த்துக்களை தெரிவித்தனர்.
இந்த நிகழ்ச்சியில் ஐமேத் அபாகஸ் நிறுவனர்கள் சுதா கார்த்திகேயன் மற்றும் சக்தி தினகரன், ஐ மேத் அபாகஸ் ஆசிரியர்கள் ஊழியர்கள் என பலர் கலந்து கொண்டு நிகழ்ச்சி ஏற்பாடுகளை செய்திருந்தனர்..
தொடர்ந்து சிறப்புரை ஆற்றிய கவிஞர் சினேகன்,
1000 படைகளைக் கொண்டு எதிரிகள் வந்தாலும் எதிர்த்து விடலாம் ஆனால் அன்போடு வருபவர்களை எப்போதும் எதிர்க்க முடியாது என்றும் உலகில் மிகச்சிறந்த ஆயுதம் அன்பு தான் என்றும் அன்பு அனைத்து உயிர்களுக்கும் செவி கொடுக்கும் என்றார்.
தந்தைமார்கள் ஹீரோக்களாக பலம் பெறுவதற்கு காரணம் தாய்மார்கள் தான் என்றும் பெண்கள் தான் கிங்மேக்கர்கள் என்றும் கூறியவர் ஆண்கள் தங்களது சந்தோஷங்களை மனைவிகளிடம் மகன்களிடம் மகள்களிடம் பகிர வேண்டும் என்றும் மனதிலேயே வைத்துக் கொள்ளக் கூடாது என்றும் கேட்டுக்கொண்டார்.
அழகு என்பது தேகத்தின் சிகப்பிலோ நாகரிகத்திலோ ஆடம்பரத்திலோ இல்லை என்றும் அன்பில் மட்டுமே அழகு உள்ளது என்றும் கூறினார். அம்மாவின் அன்பு யாரிடமும் ஈடு செய்ய முடியாத அன்பு என்றும் கூறினார்.
தொடர்ந்து பேசியவர் மேடையில் அமர்ந்திருப்பவர்கள் பெரியவர்கள் இல்லை என்றும் மேடையை அமைத்துக் கொடுத்தவர்கள் தான் பெரியவர்கள் என்றும் கூறினார்
25 ஆண்டுகளுக்குப் பிறகு மனிதன் ஒருவரை ஒருவர் சந்திக்கும் காலம் இருக்காது என்றும், சந்திக்கும் தேவையும் இருக்காது என்று கூறியவர் அனைவரும் அறிவியல் போர்வையில் மாட்டிக்கொண்டு சிக்கித் தவிக்கிறார்கள் என்றும் கூறிய அவர் மக்கள் கூடுவதே திருவிழாவாக மாறும் என்று கூறினார்.
விஞ்ஞான உலகில் அனைவரும் ஓட வேண்டிய சூழல் உள்ளதாகவும் வாழ்த்து கூறுவதற்கும் அறிவுரை கூறுவதற்கும் தற்போது நேரமே இல்லை என்று வேதனையுடன் கூறியவர்
தற்போது உள்ள ஏ ஐ தொழில்நுட்பத்தை கற்றுக்கொள்ள எவ்வளவு விரைவாக ஓட வேண்டும் எவ்வளவு கற்றுக்கொள்ள வேண்டும் எவ்வளவு அறிவை சேகரிக்க வேண்டும் ஆகையால் பெற்றோர்கள் தங்கள் பிள்ளைக்கு அனைத்தையும் விரைவாக கற்றுக் கொடுங்கள் என்றும் கூறினார்.
#imathabacusinstituteintiruvannamalai | Posted on 09/Dec/2025 17:01:00
