Priyanka Bharali Instagram – Hamari qalam se aap sab ke liye…..
Bahut-si yaadein lekar ek saal beet gaya…
Ek naya saal, umeed ki roshni ke saath,
ab saamne khada hai.
Hum sabhi ne guzre hue saal mein
bahut kuch paya aur khoya…
Hum lade, joojhte rahe…
Apnon ka saath khoya…
Aur hamari mitti ne
bahut-se nayab heere kho diye.
Bahut khushiyan bhi mili..
jisko yaad karke hum muskuran payenge..
Jo bichhad gaye,
ve yaadon mein amar hain,
Jo kho gaya, uska gham
hamare saath hamesha rahega.
Par jo baaki hain,
unke liye aage badhna bhi
hamari zimmedari hai.
Yeh naya saal sirf ek saal nahi,
balki ek wada hai..khud se,
apnon se..
aur is mitti se..
ki dard ke baad bhi hum
sach, mehnat aur umeed nahi chhodenge.
Hum ladte rahenge,
umeed ke saath aage badhte rahenge.
Jisne dard diya, use maaf kar diya…
aur aasha hai ki
hamari galatiyon ko bhi maafi mile.
Insaniyat zinda rahe…
Uparwala sabhi ko salamat rakhe.
WITH LOVE,
PRIYANKA BHARALI.
#priyankabharali #instagram #priyankabharaliofficial #priyankabharalifanclub #instagram | Posted on 31/Dec/2025 19:56:42
