Assala Nasri Instagram – تماماً وكلّياً توحّدت مع هالعمل وفرضت جو من السعاده وغلّفت قلقي وحرصي بكتير من الذكريات الحلوه الصّداقه والأخوّه خيّمت على كلّ صناع هالعمل وخبّينا كلنا كلّ الخوف اللي كان مسيطر علينا بإنّنا نقدّم كلّ وأحلى ماعنّا ضحكنا كتير على نكت نحنا ألفناها ونحنا يعني كلنا مترئسنا رجل مخلص صانع مُحبّ وعاشق لصولا والفنّ ( جوزي الرّائع فايق حسن) ماحدا فينا وفّر يسمع مئات المرّات كلّ عمل على حدا ونفتّش على نَفَس ينزرع بمكان يكمّل كلمه مابتكمل إلّا إذا تخلّلها نَفَس مسموع وعنّ نفسي بودّي وصل لكم كلّ هالحب اللي عشته طول فترات تسجيلي كلّ اوقات تصويري وإنّي ماحسيت لحظه بتعب وكأنّه إيماني بالموسيقى وتعلّقي وشغفي كانوا ولادي وكنت معهم عم برسم معهم بكره وعم علّمهم بالعمل كيف يحبّوا اللي عم يعملوه وكيف يتماهوا معه ويآمنوا فيه ويحترموه ..وكان بالاستوديو أحلى وقت بحلم فيه وكنت عم بتخيّل شو حتكون أوقاتكم وأنتوا معي عم تعيشوا اللي عشته بكل الحب والجمال نقلت لكم كل هاللحظات وبتمنى متلي تعيشوها ..
شكراً لأعلى نجمه بالسما على إهتمامكم وحبكم الكبير لكل شي قدّمته وبوعدكم أخلص لمحبتكم بإنّي كون دائماً عند حسن ظنكم ..
بقدّم لكم أحلى ماعندي (صوتي) في ألبوم فيه روحي فيه قلبي فيه الكثير من تجاربي وألمي وفرحي وأملي وجنوحي فيه فنّ وفيه حياة .
#ضريبة_البعد | Posted on 03/Jul/2025 20:05:36
