Yasmine Ghaith Instagram – . بمناسبة تغيير ال mindset بتاعك أو عقليتك اللي أوقات كتير بتمنعك و بتوقفك عند نقطة معينة في حياتك… أنا كنت من وأنا صغيرة بسمع كلام مُحبط كتير، من ناس غرب و من أقرب الناس ليا…كلام يكسر و كان بيخليني أفقد ثقتي في نفسي… كبرت و وأنا في المدرسة كنت بتكسف جداً، ماكنتش بعرف أبدأ أصاحب حد أو أفتح حوار علشان أتعرف علي حد…و طبعاً عمري ما كنت بحب أشترك في presentations أو أي حاجة ليها علاقة بال Public speaking علشان كنت دايماً مقطنعة إني مش شاطرة و مش كويسة أو I’m not enough… كبرت و دخلت الجامعة و بدره فضلت كدة، بتكسف و دايماً مشاركتي في ال projects بتكون silently علشان مابانش و ماتكلمش قدام حد… لغاية مشروع تخرجي، كان لازم أقف و لتكلم قدام عدد محترم من الجامعة و الدكاترة و رؤساء الجامعة و كدة علشان ماسقطش في المشروع…بطني طبعاً كانت وجعاني يومها من الخوف و التوتر، كنت بترعش حرفياً و رغم إني كنت حافظة و مذاكرة كويس جداً أول ما مسكت المايك، قلت كلمة واحدة بعد رعشة رهيبة “أنا نسيت” و طبعاً كنت هعمل بيبي علي نفسي من الكسوف و القلق…وقتها صحابي اللي معايا في المشروع لموا الدنيا و أنقذوني…و فصل ال public speaking رعب بالنسبالي حتي بعد ما بقيت مدرسة… و أنا مدرسة برده كان بيبقي سبب كبير من عدم ظهور شغلي و مجهودي بالشكل الكافي هو فكرة إني مش واثقة في نفس كفاية إني أتكلم قدام الناس… تفوت السنين و أفضل كدة برده بعد ماسبب ما التدريس، ماهو مافيش حاجة إتغيرت علشان أنا أصلاً ماغيرتش حاجة في نفسي ولا إشتغلت علي حاجة في نفسي تخلي الموضوع يتغير عندي… إلا أن إتعرض عليا مسلسل حلاوة الدنيا…تخيلوا بقي واحدة بالشخصية اللي أنا شرحتها فوق دي يتطلب منها تمثل…أمثل إزاي إن شاء الله، ده أنا مش ه public speak بس لأ ده في بشررررررر قدام و ورا الكاميرا و قدام التليفزيون هيقعدوا بصينلي وأنا بتكلم 😂 ملايين مش ال ٢٠ ٣٠ واحد بتوع الجامعة بس… أعمل إيه بقي؟؟ جه وقت التغيير، و ده كان وقت تعبي طبعاً، عملت بالظبط وقتها اللي صلاح بيقول عليه دلوقتي و وقتها ماكنتش أعرف إن صلاح بيعمل كدة أصلا…إتفرجت علي فيديوهات لناس ناجحة و ناس motivational speakers و life coaches و ناس غيروا حياتهم و حياة غيرهم للأحسن! قلت بس أنا عايزة أعمل كدة، أنا عايزة أبقي إيجابية و أغير حياتي و حياة الناس للأحسن بس أبدأ بنفسي علشان ده ينعكس علي الناس بعد كدة… بقيت البوست في الكومنتس 😂⬇️