Yasmine Ghaith Instagram – .
قولت أعمل إحتفالين في واحد…
يوم ٢٢.٢.٢٠٢٢ من أهم تواريخ حياتي، علشان من ٥ سنين كان ده آخر يوم آخد فيه كيماوي و تبدأ حياتي تتغير للأبد…
و علشان حياتي إتغيرت و إتعلمت كتير، قررت أحاول أغير حياة غيري و أكون مؤثرة بطريقتي و بالحاجات اللي إتعلمتها في الرحلة…
فبمناسبة كمان اليوم العالمي للمرأة قلت مافيش فرصة أحسن من ديه أعبر فيها عن نفسي و عن ستات كتير غيري…
في ٥ سنين عرفت حاجات عن نفسي ماكنتش أعرف إنها موجودة من ضمنها إني قوية قوي و ضعيفة قوي في نفس الوقت…و طبيعي نكون الإتنين..إحنا بشر…
في ال٥ سنين عملت حاجات المجتمع كان بيفهمنا إننا كستات ماينفعش نعملها (منها إني لما شعري وقع و قررت أخرج من غير شعر عادي)…حسيت إني عايزة أبقي براحتي و أعمل اللي أنا عايزاه من غير مافكر في المجتمع ولا في الناس هتقول إيه…
فلخصتلكم كل الأحاسيس دي في الكلام اللي في الصور، الست مش محتاجة مسمي معين لاللي هي عايزة تعمله في حياتها، فمن الآخر كدة يا جماعة #الست_براحتها 😁😜
و بمناسبة ال٥ سنين اللي فاتوا دول برده و السؤال الكليشيه اللي بنتسأله كتير “شايفة نفسك فين ٥ سنين من دلوقتي” سألته أنا لنفسي من ٥ سنين و حضرتلكم حاجة كان نفسي أعملها من زمان و بقالي سنتين بجهز لها و جه وقتها…هقول لكم عليها في البوست الجاي 😘❤
#٥_سنين_حياة
#اليوم_العالمي_للمرأة #InternationalWomensDay #WonderWomanTheyCallMe | Posted on 09/Mar/2022 18:35:46
