Rana El Hariri

Rana El Hariri Instagram – حب الانسان ل بلده هو حب فطري بيولد مع الانسان، والمزاودة بهاد الموضوع ما الها أي معنى.
بس دائماً وبكل دول العالم الناس بتترك بلادها وبتسافر للدراسة، بحثاً عن فرص عمل، بحثاً عن ظروف أفضل، الأسباب كتيرة ومختلفة.
بس حتماً ما في حدا بالعالم بيفضل أو بيتمنى يترك بلده وبيته والناس يلي كبر بيناتون والأماكن يلي اتعود عليها، يترك حياته، رفقاته وذكرياته، و يروح على بلد جديد، ليبدأ من الصفر مع أشخاص ما بيشبهوه وما بيفهموا لغته.
يمشي بشوارع غريبة، يتعود على بيئة مختلفة وقوانين ما بيعرفها.
ما حدا بيحب يترك وطنه ويسافر، بس أحياناً الناس بتكون مضطرة، وعدد كبير منهم بيعيشوا بغربة، وحتى لو استقروا بأجمل دول العالم بيضلوا عم يحلموا باليوم يلي بتتغير فيه الظروف ليرجعوا لبلادهم.
السفر مو تهمة، مو جريمة، وأكيد مو حل سحري لكل المشاكل أو المصاعب، السفر بالنهاية هو خَيَار شخصي، وأحياناً لما تكون الظروف قاسية والخيارات غير متاحة بيكون مجرد حلم للوصول الى واقع أفضل. | Posted on 04/Mar/2023 21:38:36