Suey Kwok Instagram – 一直冇寫關於足球女將嘅感受，因為五個幾月持續訓練緊，其實唔係好記得咗最開頭學踢波發生既事同感受(有啲後悔冇寫日記。…)
一路睇咗咁多集，回想初初拍攝女將嘅感覺。
自我介紹下先～
參加呢個節目之前我從來都冇踢過波，球齡為零0️⃣。不過平時就有做下運動嘅，例如踩板、瑜伽、踩Roller 諸如此類
身體條件方面，除咗柔軟度，其他方面喺第一次測試都係屬於中下游。🥲
Ummm 大致係咁 再諗到嘅話再補充
記得開拍前監製有問我當知道要參加呢個節目之後，有冇自己練習定。我好堅決答冇、亦都唔會。
參加呢個節目冇咩偉大嘅遠景，最大原因係因為冇踢過波，所以好想測試一下究竟半年學踢波可以學到咩地步。
雖則知道有淘汰制度，但係如果偷雞提前練嘅話，我認為數據就會唔準確。所以都係堅持9月22日first meet先開始我人生嘅足球之旅⚽️
點知！！！第一日見面就要試腳🥲🥲🥲 (內心OS: 搞錯啊，乜唔係黎學踢波架咩~~ 又話由零開始~~ 起碼學少少基本嘢先再測試啦！你究竟想睇啲咩？我冇嘢俾你睇🥲🥲🥲 ) 就係咁…第一日試腳以波皮都掂唔到收場🫠
然後接下來嘅都係一啲基本功訓練，控波帶波掃把腳比波等等
開頭最難受既係肌肉酸痛，因為踢波用嘅肌肉好唔同。成班女仔返到黎就喺呢度痛嗰度痛😂😂😂 但..除咗捱到身體適應晒呢啲痛楚之外，別無他法🙂↔️🙂↔️ …繼續頂埋佢…
去到第四個星期終於迎來第一個傷患，左邊大髀，大概就係做咩動作都好似拉住。所以會長期喺度揼嗰個位同拉筋做舒緩。不過唔係韌帶斷又唔係拗柴仲行得郁得都係要繼續～（冇錯，做人就係咁難☠️）
但究竟練咩整親？我已經唔記得啦～～～
11月15日，一次落雨天晨操開始病，然後進入病完好返再病再好返再繼續病不斷輪迴左大約一個多月。作為一個身體都幾健康、平均一年都病唔到一次病嘅人，呢段時間真係嚇親我媽🤧 （9v9,內地集訓同之後其中一場friendly都係病住咁踢，生病踢波最大嘅感受係反應遲鈍、呼吸急促，至於球技方面病唔病都係差唔多…一樣咁屎波🥲) 再有感而發，作為一個球員病咗都係想爭取機會落場，但又驚表現唔好連累隊波。你話點好呢@@
所以，唔好病。冇選擇就係最好嘅選擇 😃
總結
踢波真係比我想像中難好多好多好多！除咗雙手，全身都可以去控制個波。高波、地波、滴滴波，再嚟有西既波，倒西、側西，唔識踢波分分鐘又嚟啲東南西波。。。。
然後又頭槌心口膝頭哥腳面控腳背控 。。。。
仲要練體能、速度、爆發力、盤扭。。。。。
射波又有唔同射法（前提射中個波都唔係簡單）…
都唔好講仲有戰術 走位。。。。。
總之就數之不盡
即使節目組安排一個禮拜四堂，如果自己唔加操嘅話根本係冇可能返到嚟係做得到，更莫講做得好。
講咁多。。最後結論。。唔好理😀繼續做😀繼續笑😀
此感受僅代表學踢波兩個月的國師👺
發表完畢！請繼續支持足球女將！
我都繼續追看搵返我嘅足球回憶💓
練習嘅相同片都唔多但係全部都咁珍貴
特別多謝 @appl_enga 嘅電話存貨💓💓💓 | Posted on 20/Mar/2025 17:27:16
