Rana El Hariri Instagram – نحنا عايشين بعالم استهلاكي، وكلشي حوالينا عم يشجعنا لنهتم بتفاصيل ثانوية، ونسعى لاقتناء سلع وأغراض بدون أي سبب أو حاجة حقيقية.
نحنا عايشين بعالم سطحي، صارت فيه حقيبة اليد هوس وطموح، صار الستايل أهم من المضمون، وصاروا الناس ممكن يوقعوا بغرام ماركة معينة أو حذاء.
وأهم النصائح صارت عن تنسيق الاطلالة واختيار الاكسسوار المناسب وتقليد “اللوكات” المبهرة لبعض الشهيرين والشهيرات.
نحنا عايشين بعالم مزيف، أهمية الانسان فيه تقاس بعدد المتابعين مو بحجم الانجازات، و ترتبط شهرة الشخص بمقدار “جمال شكله”، أو استعداده لنشر تفاصيل حياته الخاصة على الملأ لحصد المزيد من المشاهدات.
نحنا عايشين ب عالم مُشوّه، صار فيه للجمال معايير ثابتة ومقاسات، وكأن البشر تحولوا ل مجسمات بحاجة للتعديل أو بالونات بحاجة للنفخ، شفاه، خدود، أرداف وعضلات، الكل عم يحاول، رجالاً ونساء.
عالم عم يلغي الانسانية فينا و يحولنا ل كائنات متشابهة، وبدون تفكير عم ننساق ورا وهم “المثالية” وعم ننسى الهدف الأساسي من وجودنا بهالحياة. | Posted on 11/Apr/2023 00:16:20
Rana El Hariri
Check out the latest gallery of Rana El Hariri
