Rana El Hariri Instagram – لما تولد في عائلتكم بنت، ربوها لتكبر وتكون طيبة، ذكية، قوية ومستقلة، مو لتكون دلوعة وغنوجة واتِّكاليّة.
علموها تهتم بتوسيع مداركها بدل ما تنشغل بتعديل ملامحها.
اهتموا بتعليمها و تثقيفها ومنحها مهارات مختلفة تقدر من خلالها تبني مستقبلها وتحمي حالها، بدل ما تركز كل اهتمامها على البحث عن الأمير يلي لازم ينقذها.
خبروها أنه فارس الأحلام ممكن يجي بأي وقت من حياتها، ممكن يخليها أميرة بس كمان ممكن بلحظة يتحول ل كابوس وينزلها عن عرشها.
خلوها تعرف أنو ما حدا مُجبَر يحققلها أحلامها أو يمنحها السعادة.
هي لازم ما تنسى نفسها، وتسعى دائماً لتطوير ذاتها وتتذكر أنه سعادتها هي الوحيدة المسؤولة عنها.
علموها أنه الرجل في حياتها ممكن يكون شريك و ند، بس هي بروحها الجميلة، أدبها، ثقافتها، وعلمها، انسانة كاملة مو بحاجة لحدا يكملها.❤️ | Posted on 02/Apr/2023 21:21:30
