Rana El Hariri Instagram – بيقولوا يلي خلف ما مات وأنا بقول هالكلام غير صحيح، يلي خلف ممكن يموت حتى وهو على قيد الحياة اذا ما كانت خلفته صالحة أو ما عرف يربي أولاده.
يلي ما بيموت هو الإنسان يلي بيترك أثر.
والأثر مو ضروري يكون إنجاز مهني عظيم أو اكتشاف يغير البشرية.
الأثر ممكن يكون ببساطة تصرف نبيل أو موقف إنساني أو حتى كلمة لطيفة.
كل يوم منتفاعل فيه مع الناس منكون عم نترك أثر، ونحنا منختار اذا بدنا يكون أثرنا سلبي أو ايجابي.
يلي خلف متل يلي ما خلف رح يموتوا يوماً ما، وما بيضل عايش غير الانسان يلي أثناء حياته قدر يسكن أو عالأقل يلامس بشكل إيجابي قلوب أكبر عدد من الناس. | Posted on 30/Mar/2023 23:40:43
Rana El Hariri
Check out the latest gallery of Rana El Hariri
